تبلیغات
یار خدا - Марказҳои илмӣ ва таҳқиқотии Тоҷикистон
 
یار خدا
ز گهواره تا گور دانش بجوی
 Донишгоҳи давлатии миллии Тоҷикистон бо Қарори собиқ Шӯрои Вазирони ИҶШС аз 21 марти соли 1947 бо No 643 ташкил шуд ва аз 1 сентябри соли 1948 машғулиятҳо дар бинои Донишкадаи омӯзгории шаҳри Душанбе  оғоз шуданд. Се факултет: заминшиносӣ, биология ва таъриху филология таъсис ва ба кор шурӯъ намуд. Дар соли аввали таҳсил ба се факултаи Донишгоҳ 240 нафар донишҷӯ қабул шуда ва ба онҳо 17 омӯзгор ба тариқи расмӣ ва 19 нафар ба тариқи нисфакор ва чоряккор дарс мегуфтанд, ки ду нафарашон профессор ва 8 нафарашон досентон буданд.
 Нахустин раиси Донишгоҳ номзади илми таърих, досент баъдан узви пайвастаи АИ Тоҷикистон, профессор Раҷабов З.Ш. буданд, ки барои мустаҳкам шудани Донишгоҳ, саҳми намоёне гузоштаанд. Донишгоҳро минбаъд профессорон Раҷабов С.А., Бобоҷонов П.Б., Назаров Т.Н., Давлатов И.Д., Тоҳиров Ф.Т. роҳбарӣ намудаанд. Донишгоҳи Давлатии Миллии Тоҷикистон ҳоло 12 факултет, 82 кафедра, 14 кафедраи умумидонишгоҳӣ, 11 озмоишгоҳи илмию таҳқиқотӣ, боғи ботаникӣ, маркази тадқиқоти илмӣ ва татбиқи корҳои илмию техникӣ, китобхонаи илмӣ, матбааи байнидонишкадавӣ, шӯъбаи хурди матбаа, маркази иттилоъотии “Диловар ‒ ДДМТ”, озмоишгоҳи воситаҳои техникии омӯзиш, синфхонаҳои лингофонӣ, маркази ахбори ҳисоббарорӣ ва дигар соҳаҳоро доро мебошад. Дар кафедраҳои Донишгоҳ аз рӯи 35 ихтисос мутахассис тайёр карда мешавад ва 12 факултет фаъолият дорад: механикаю риёзиёт, физика, химия, геология ва маъдан, биология, ҳуқуқ, таърих, забонҳои шарқ, филология, рӯзноманигорӣ ва тарҷумонӣ, иқтисод ва идора, молия ва баҳисобгирии иқтисодӣ.
нишонӣ: х. Рӯдакӣ 17, тел.: (00992-37) 2217711
www.tgnu.tojikiston.com
Донишгоҳи технологии Тоҷикистон дар 8 соҳаи саноати хӯрокворӣ ва сабук ва 25 ихтисос дар заминаҳои бозорёбӣ ва муносибатҳои байналмилалӣ, технологияҳои муосири иттилоъотӣ ва мухобиротӣ мутахассис тайёр менамояд. То имрӯз ҳудуди 500 мутахассисони баландихтисос ин Донишгоҳро хатм намудаанд. Шӯъбаҳои донишгоҳ дар шаҳрҳои ҷумҳурӣ Хуҷанд, Кӯлоб, гимназияи “Душанбе” колеҷи технологӣ дар шаҳри Исфара фаъолият доранд.  Донишгоҳи Технологии Тоҷикистон тақрибан бо 40 донишгоҳҳои кишварҳои дуру наздик ҳамкорӣ менамояд.
нишонӣ: х. Неъмат Қаробоев 63/3, тел.: (00992-37) 2347990
www.tut.freenet.tj
 Донишгоҳи технологии Тоҷикистон (шӯъбаи Хуҷанд) www.hftut.boom.ru
 Донишгоҳи давлатии тиҷоратии Тоҷикистон дар сохтори маълумоти олӣ ягона донишгоҳест, ки мутахассисони соҳаи иқтисод ва савдоро тайёр менамояд. Дар ин ҷо мутахассисони соҳаҳои ҳисобдорӣ, молия ва кредит, иқтисод, мудирияти савдо ва хӯроки умумӣ, иқтисоди ҷаҳонӣ (муносибатҳои тиҷоратӣ иқтисодии байналмилалӣ), бозорёбӣ дар бозори байналмилалӣ ва хизматрасонӣ, умури гумрукӣ, технологияи маҳсулоти хӯроки умумӣ, сохторҳои иттилоъотӣ дар иқтисодро тарбият мекунанд. Шумораи умумии муаллимон 250 нафар буда, аз байни онҳо 20 нафар доктори илмҳо -- профессор буда, 80 нафарашон номзади илмҳо мебошанд. Дар донишгоҳ 13 кафедра амал мекунад, дар шӯъбаи рӯзона 1640 нафар ва дар шӯъбаи ғоибона 1840 нафар донишҷӯ таҳсил мекунанд.
нишонӣ: х. Деҳотӣ 1/2, тел.: (00992-37) 2348546
www.tguktj.narod.ru
Донишгоҳи техникии Тоҷикистон ба номи М.Осимӣ собиқ Институти политехникии Тоҷикистон аз 28 апрели соли 1992 номи Донишгоҳи Техникии Тоҷикистон ба номи М.Осимиро гирифтааст. Дар соли хониши 1996 – 97 дар Донишгоҳ се колеҷи сохтмонӣ, техникӣ дар шаҳри Душанбе ва политехникӣ дар шаҳри Қӯрғонтеппа таъсис ёфтанд. Донишгоҳи Техникии Тоҷикистон ба номи М.Осимӣ барои муассисаҳо ва корхонаҳои ҷумҳурӣ муҳандисони барқу электроника, меъморӣ ва хадамоти автомобилро тарбият менамояд.
нишонӣ: х. Акад. Раҷабовҳо 10, тел.: (00992-37) 2213511
www.tj-techuni.narod.ru
 Донишкадаи андоз ва ҳуқуқ
нишонӣ: х. Дӯстии Халқҳо 94, тел.: (00992-37) 2211937
www.tajnpi.narod.ru
Донишгоҳи давлатии ҳунарҳои зебои ба номи Мирзо Турсунзода нишонӣ: х. Борбад 2, тел.: (00992-37) 2311827
www.art.tojikiston.com
Донишгоҳи аграрии Тоҷикистон
нишонӣ: х. Рӯдакӣ 146, тел.: (00992-37) 2243838
www.tau.tojikiston.com
Донишгоҳи соҳибкорӣ ва хизматрасонӣ
нишонӣ: х. Борбад 48/5, тел.: (00992-37) 2348800
www.ipstj.narod.ru
Донишгоҳи давлатии забонҳо
нишонӣ: х. Фазлиддин Муҳаммадиев 5/6, тел.: (00992-37) 2329515
Донишгоҳи давлатии тиббӣ
нишонӣ: х. Рӯдакӣ, тел.: (00992-37) 2244583
Донишгоҳи давлатии омӯзгорӣ
нишонӣ: х. Рӯдакӣ 121, тел.: (00992-37) 2241383
Донишгоҳи тарбияи ҷисмонии Тоҷикистон
нишонӣ: маҳаллаи Лучоб 53, тел.: (00992-37) 2214097, 2247377
Донишгоҳи нақлиёти Тоҷикистон   
нишонӣ: х. Бохтар 35/1, тел.: (00992-37) 2230701
Донишгоҳи давлатии Хуҷанд
www.khgu.boom.ru
www.hsu.boom.ru
Донишгоҳи давлатии Хоруғ ба номи М.Назаршоев  
www.khogu.boom.ru
 
Академияи илмҳои Ҷумҳурии Тоҷикистон дар муддати беш аз панҷоҳ соли мавҷудияташ фаъолиятҳои илмӣ ва пажӯҳиширо дар ҷумҳурӣ танзим ва ҳамоҳанг месозад. Дар муассисаҳои пажӯҳишӣ ва озмоишгоҳҳои Академияи Илмҳо тақрибан се ҳазор нафар донишмандон ва пажӯҳишгарон ба ҳаллу фасли масъалаҳои мубрами илмҳои таърих, иқтисод, риёзиёт, тиб, заминшиносӣ ва ғайра машғул ҳастанд. Қаҳрамони Тоҷикистон, муаррихи барҷастаи тоҷик, академик Бобоҷон Ғафуров дар маҳофили илмии бисёр кишварҳои ҷаҳон маъруф буда, мардуми тоҷик бо донишмандони машҳур А.Баҳоваддинов, С.Умаров, М.Осимӣ, С.Неъматуллоев, П.Бобоҷонов ва амсоли эшон, ки дар пешрафти илми ҷумҳурӣ саҳми арзанда гузоштаанд, ифтихор дорад. Пажӯҳишгоҳи зилзилашиносӣ ва сохтмонҳои муқовими зилзила дар миёни дигар пажӯҳишгоҳҳо ва муассисаҳои таҳқиқотии Академияи Илмҳо бо пажӯҳишҳои донишмандони худ дар риштаи пешбинии дарозмуддати зилзила ва асоснок намудани тарҳҳои сохтмонҳои азими гидротехникӣ дар минтақаҳои зилзилахез, ба ҳайси муассисаи мӯътабари илмӣ дар ҷаҳон машҳур буда, тарҳҳои неругоҳҳои Нораку Роғун ва сохтмони биноҳои баландошёна пас аз анҷоми таҳқиқоти зарурӣ дар озмоишгоҳҳои ҳамин пажӯҳишгоҳ тавсия мегарданд. Донишмандони Пажӯҳишгоҳи забону адабиёти ба номи Рӯдакӣ, ба таҳқиқоти масъалаҳои мубрами забон ва адабиёт машғуланд. Дар Пажӯҳишгоҳи ховаршиносӣ ва мероси хаттӣ ҳазорон ҷилд дастнависҳо ва китобҳои нодири илмии мутафаккирон ва осори шоирони қарнҳои пешин ҳифзу нигаҳдорӣ мешаванд ва бо саъю кӯшиши донишмандони ин муассиса ба табъу нашр омода мешаванд. Номҳои як зумра донишмандони риштаи тиб, аз қабили мутахассиси барҷастаи соҳаи гастроэнтерология, профессор Ҳ.Мансуров, ҷарроҳи кӯдакон, профессор А.Пӯлодов, шодравон Ю.Исҳоқӣ, М.Ғуломов берун аз ҳудуди ҷумҳурӣ маъруф мебошанд. Донишмандони риштаи тибби Ҷумҳурии Тоҷикистон анъанаҳои ҳаким Абӯалӣ ибни Сино, ҷадди бузурги худро бо ифтихор идома медиҳанд. Дар натиҷаи пажӯҳишҳои илмии донишмандони заминшиноси ҷумҳурӣ, ки аксаран дар Пажӯҳишгоҳи заминшиносии Академияи Илмҳо сурат мегиранд, дар ноҳияҳои гуногуни Тоҷикистон захираҳои канданиҳои фоиданок, аз қабили фелезоти нодир, ангиштасанг, сангҳои ороишӣ ва маводи сохтмонӣ кашф шудааст



نوع مطلب : تاجیکستان عزیز، 
برچسب ها :
لینک های مرتبط :
نظرات ()
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر





آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
امکانات جانبی